O CD Lugo dependía de si mesmo e non fallou. Selou a permanencia da mellor forma posible, culminando o incrible refacho dende a chegada de Juanfran García, que suma 4 vitorias e dous empates. Unha boa dinámica de resultados que permite que a cidade poida gozar da novena tempada consecutiva en Segunda División. Juanfran García fixo cambios no once titular con respecto ao partido de Tenerife. Entraron Canella, Campabadal, Marcelo, Fernando Seoane e Rahmani por Kravets, Pita, Jose Carlos, Leuko e Jaime Seoane.
