Durante o día onte, 2 de setembro propúxose para sanción a catro persoas por incumprir as medidas preventivas impostas con motivo do COVID-19, xa que non facían uso da máscara obrigatoria.
Unha das persoas denunciadas resultou ser o rexente dun local de hostalería, ao que os axentes observan saír do establecemento sen máscara, ofrecendo escusas que nada tiñan que ver coas causas de exención.
Outra das persoas denunciadas atopábase sentada á mesa dun local de hostalería, en compañía doutra persoa e, a pesar de que non se atopaba consumindo nada, non facía uso da máscara, aínda que o seu acompañante si a levaba posta. Unha terceira persoa atopábase na Praza Maior, fumando entre un grupo de amigos e sen manter a distancia mínima de seguridade interpersoal.
Por último, na rúa Divina Pastora, foi denunciada unha menor que se atopaba sentada no respaldo dun banco público, acompañada doutros mozos, a cal só se puxo a máscara ao observar que os policías se detiñan á súa altura para dirixirse ao grupo.
Incendio nun garaxe e na sala de máquinas do Club Fluvial
Noutra orde de cousas, informamos que as 17’27 horas do día 2 de setembro a Sala do 092 recibe aviso de que do garaxe dunha vivenda da rúa Monte Picato sae moito fume. No lugar preséntase de inmediato unha patrulla da Unidade Territorial de Policía de Barrio, cuxos ocupantes comproban a veracidade dos feitos, advertindo aos moradores das vivendas para que manteñan pechadas as xanelas do patio interior, por onde ascendía o fume.
Instantes máis tarde preséntase unha dotación do Servizo de Extinción de Incendios, procedendo a apagar as chamas dun vehículo, comprobando posteriormente que, presuntamente o lume produciuse como consecuencia dun curtocircuíto, xa que ao devandito automóbil conectáraselle unha batería externa por medio dun cableado que resultou non ofrecer a seguridade necesaria.
Ás 9’45 horas do día 2, a Sala do 092 comisiona unha patrulla policial nas instalacións do Club Fluvial onde, segundo chamada telefónica, estaba a producirse un incendio. Os policías comproban que o lume, que xa fora extinguido por persoal da entidade, produciuse na sala de máquinas da piscina. Tamén se presentou no lugar unha dotación do Servizo de Bombeiros, que se introduciron na estancia con equipos de respiración autónoma e procederon a airear o lugar con ventilación forzada.
