A Federación Provincial de Asociacións de Veciños de Lugo, leva máis de ano e medio loitando contra a ilegalidade permitida da ocupación de vivendas por persoas ou grupos alleos á propiedade. Hai un ano e medio organizamos, no salón de actos de ABANCA sito na contorna da praza de España, a primeira mesa redonda para afrontar este tema, na que estiveron como relatores membros da Xudicatura, do colexio de Avogados, representantes policiais, representantes da propiedade e outras personalidades.
A pesar do tempo transcorrido e a pesar da lexislación actual, temos que manifestar que todo segue igual e que os grupos de okupas expándense con total liberdade pola cidade, sen que a lexislación cambiase ou se estableceron novos protocolos que amparen mesmo a débiles propietarios aos que se lles expropiou “” coa ilegalidade o seu propio domicilio ou os seus bens con total impunidade. Desde esta Federación, debemos de tomar medidas de presión, contra quen permita isto desde o punto de vista político ou de xestión. É posible ou requerible que isto comporte un cambio importante na lexislación actual “que debería ser tramitado por vía de urxencia”.
Tense que acabar coas penas de multa como “delito leve” desde o punto de vista procesual, por un delito de prisión, xa que actualmente as persoas condenadas decláranse insolventes e non pagan nin os danos provocados, por un delito de violación de morada ou usurpación de propiedade (como indicaba hai poucos días na súa columna de prensa D. Luís Anguita Fiscal Provincial da Coruña) que tamén requiría do sistema xudicial o trámite como delito rápido, que permitiría que en 24 horas máis ou menos o problema quedase resolto, pero como di, tamén moi importante, que en caso de non poderse celebrar o xuízo, se restablecese como medida cautelar o reintegrar ao propietario a vivenda. Tamén debe controlarse por parte das distintas institucións, que calquera persoa condenada por iso, non continúe percibindo o RISGA nin a Renda Básica. Lembramos que a Constitución Española di no seu Art. 18, que o domicilio é inviolable e no Art. 33 recoñece o dereito de propiedade. Noutros países europeos como (Alemaña, Francia, Etc.) van nunha dirección contraria á nosa, que aplican penas de prisión e o desaloxo inmediato da vivenda. Para iso enviaremos xa unha carta a Deputados e Senadores pola Provincia para que leven ás institucións medidas correctores, xa que nas súas mans está a posibilidade lexisladora. Logo tentaremos reunirnos nunha mesa, con Sub-Delegación do Goberno de Lugo, Alcaldesa de Lugo, Delegado da Xunta de Galicia en Lugo, Deputados no Congreso por Lugo e Senadores, Decano do poder xudicial na provincia, Decano do Colexio de Avogados de Lugo, Confederación de empresarios de Lugo, Representación de Axencias Inmobiliarias, para definir unha proposta urxente que de solución ao problema. Tampouco queremos deixar de aludir a responsabilidade municipal no control urbanístico das vivendas na cidade, para a súa seguridade e decoro, xa que dispoñen de lexislación para actuar de inmediato. Requirindo isto mesmo dos propietarios, que caso de deixamento ou abandono deben de ser sancionados de forma adecuada.
LUGO TEN QUE SEGUIR SENDO UNHA CIDADE SEGURA, MODERNA E TRANQUILA.
Comisión Executiva Federación Provincial de de Asociacións de Veciños.
