23 casos activos menos por Covid-19 nas últimas horas sitúan a área sanitaria de Lugo con 503 casos, dos cales a maioría estan leves e están nos seus domicilios, segundo informa a Dirección Xeral de Saúde Pública da Consellería de Sanidade.
En canto ao número de casos activos de coronavirus en Galicia tamén baixa e sitúase en 4.092, once menos que onte; deles 848 son da área da Coruña, 503 da de Lugo, 891 da de Ourense, 722 da de Pontevedra, 460 da área de Vigo, 547 da de Santiago, e 121 da de Ferrol.
Do total de pacientes positivos, 35 están en UCI, 194 en unidades de hospitalización e 3.863 no domicilio. Polo de agora, en Galicia hai un total de 19.714 persoas curadas, rexistrándose 751 falecementos.
O número de PCR realizadas é de 499.201.
