O Concello de Vilalba ven de informar do comezo das obras para a renovación e pavimentación de catro viais de acceso aos núcleos de Cascamaño, O Monte e Rebordelo, na parroquia de Codesido, e Millares, na parroquia de Santaballa.
Os traballos, orzamentados en 30.000 euros, terán un período de execución dun mes e forman parte do plan integral de mantemento e renovación de viais e camiños nas parroquias de Vilalba, posto en marcha polo actual grupo de goberno no concello.
“Con estas obras damos resposta ás demandas veciñais, que piden unha maior seguridade viaria nas parroquias, son viais moi deteriorados que necesitaban unha actuación desde hai anos”, explica Luis Fernández, concelleiro de Infraestruturas de Vilalba.
