Unha persoa que circulaba nun turismo resultou ferida esta tarde ao dar varias voltas de campá e rematar fóra da vía o vehículo no que viaxaba no Corgo. A vítima, que quedou atrapada no interior do coche, foi trasladada a un centro médico despois de ser excarcerada polos Bombeiros de Sarria.
O accidente produciuse ao fío das 17:40 horas no punto quilométrico 3 da LU-P-1611.
Nada máis recibir o aviso dos feitos a través dunha testemuña do sinistro, os xestores do Centro Integrado de Atención ás Emerxencias 112 Galicia puxeron a situación en coñecemento de Urxencias Sanitarias de Galicia-061, dos Bombeiros de Sarria e dos axentes da Garda Civil de Tráfico.
