Dous internos da prisión de Monterroso intentaron fuxir do cárcere na madrugada deste venres. Un intento que foi frustrado polos efectivos da Garda Civil no muro do propio centro.
Segundo confirmaron fontes penitenciarias os dous presos non son especialmente perigosos e se atopaban en segundo grado penitenciario. Na pasada madrugada os dous presos saíron da cela e foron interceptados por axentes cando intentaban sortear o muro. Un deles resultou ferido nunha perna polo que foi trasladado ao HULA, mentres que o outro xa se atopa custodiado, de novo, na prisión monterrosina.
