Novo incremento de positivos por coronavirus na área sanitaria de Lugo. Nas últimas horas detectáronse 87 novos positivos, 18 deles están relacionados co brote da residencia de A Pastoriza que duplicou o número de casos pasando a ter 36 infectados. Con estes datos a provincia de Lugo sitúase cun total de 699 casos activos por Covid-19.
No que se refire ao total en Galicia, a Dirección Xeral de Saúde Pública da Consellería de Sanidade informou que os contaxios vólvense a disparar rexistrándose case 800 novos positivos nas últimas 24 horas, e que fan un total de 7.392; deles 1.696 son da área da Coruña, 699 da de Lugo, 856 da de Ourense, 724 da de Pontevedra, 1.330 da área de Vigo, 1.650 da de Santiago, e 437 da de Ferrol.
Do total de pacientes positivos, 63 están en UCI, 342 en unidades de hospitalización e 6.987 no domicilio. Polo de agora, en Galicia hai un total de 59.172 persoas curadas, rexistrándose 1.441 falecementos.
O número de PCR realizadas é de 1.168.006. O numero de doses de vacina contra a covid-19 administradas é de 24.750.
