Un día máis temos que lamentar un importante aumento no número de positivos por coronavirus na área sanitaria de Lugo. Nas últimas 24 horas o número de casos activos aumentou en 188, o que sitúa á provincia con 1.545 infectados segundo os datos facilitados pola Dirección Xeral de Saúde Pública da Consellería de Sanidade
En canto ao o número de casos activos de coronavirus en Galicia nas últimas 24 horas detectáronse 1.888 novos positivos. Con estas cifras Galicia bate un novo récord de contaxios, e alcanza o número de 18.286 casos activos; deles 4.826 son da área da Coruña, 1.545 da de Lugo, 2.568 da de Ourense, 1.579 da de Pontevedra, 3.349 da área de Vigo, 2.947 da de Santiago, e 1.472 da de Ferrol.
Do total de pacientes positivos, 142 están en UCI, 825 en unidades de hospitalización e 17.319 no domicilio. Polo de agora, en Galicia hai un total de 65.375 persoas curadas, rexistrándose 1.599 falecementos.
O número de PCR realizadas é de 1.309.379.
