Os Casos activos por Covid 19 en Lugo baixan un día máis e acheganse á cifra de 200. Asemade tamén baixan os novos contaxios, se onte eran 24 hoxe a cifra edúcese á metade.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.749, deles 1.050 son da área da Coruña, 204 da de Lugo, 190 da de Ourense, 278 da de Pontevedra, 489 da área de Vigo, 307 da de Santiago e 231 da de Ferrol.
Do total de pacientes positivos, 75 están en UCI, 245 en unidades de hospitalización e 2.429 no domicilio. Polo de agora, en Galicia hai un total de 109.729 persoas curadas, rexistrándose 2.296 falecementos.
O número de PCR realizadas é de 1.759.212.
