Dúas centas cinco son as persoas que están infectadas por Coronavirus na Área Sanitaria de Lugo a día de hoxe, onte eran 210 polo que se produce un descenso de 5 casos. Malia que o número de novos contaxios sube de 12 a 15, tres máis que na última xornada. Isto prodúcese por mor de que houbo máis altas.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.977, deles 729 son da área da Coruña, 205 da de Lugo, 265 da de Ourense, 469 da de Pontevedra, 843 da área de Vigo, 346 da de Santiago e 120 da de Ferrol.
Do total de pacientes positivos, 43 están en UCI, 146 en unidades de hospitalización e 2.788 no domicilio. Polo de agora, en Galicia hai un total de 115.680 persoas curadas, rexistrándose 2.381 falecementos.
O número de PCR realizadas pas xa dous millóns concretamente é de 2.000.080.
