Novo descenso do número de casos activos na área sanitaria de Lugo, con 11 casos menos nas últimas 24 horas e que sitúan á provincia con 228 infectados pola Covid.
En canto ao número total de casos activos de coronavirus en Galicia, a Dirección Xeral de Saúde Pública da Consellería de Sanidade informou na súa última actualización, que o número total é de 3.106; deles 710 son da área da Coruña, 228 da de Lugo, 269 da de Ourense, 491 da de Pontevedra, 945 da área de Vigo, 364 da de Santiago e 99 da de Ferrol.
Do total de pacientes positivos, 51 están en UCI, 163 en unidades de hospitalización e 2.892 no domicilio. Polo de agora, en Galicia hai un total de 117.041 persoas curadas, rexistrándose 2.390 falecementos.
O número de PCR realizadas é de 2.065.796.
O número de doses de vacina contra a covid-19 administradas é de 1.165.613.
