Nova subida no número de positivos por Covid-19 na área sanitaria de Lugo con 55 máis nas últimas 24 horas, que elevan a cifra de casos activos a 414.
Os novos positivos tamén volven a subir en Galicia con 655 novos contaxios e que sitúan a cifran de casos activos en 4.168; deles 821 son da área da Coruña, 414 da de Lugo, 726 da de Ourense, 741 da de Pontevedra, 871 da área de Vigo, 432 da de Santiago e 163 da de Ferrol.
Do total de pacientes positivos, 12 están en UCI, 47 en unidades de hospitalización e 4.109 no domicilio. Polo de agora, en Galicia hai un total de 126.516 persoas curadas, rexistrándose 2.439 falecementos.
O número de PCR realizadas é de 2.409.140.
O número de doses de vacina contra a covid-19 administradas é de 3.023.258.
