Un día máis xube o número de positivos por coronavirus na área sanitaria de Lugo, con 46 novos infectados que elevan a cifra de casos activos na provincia a 447, dos que oito están hospitalizados, tres deles en coidados intensivos.
Segundo os datos facilitados pola Dirección Xeral de Saúde Pública da Consellería de Sanidade, nas últimas horas, o total de novos positivos en Galicia redúcese un pouco respecto a onte, pero sube a presión hospitalaria con oito máis que onte. O total de casos activos é de 4.561 deles 883 son da área da Coruña, 447 da de Lugo, 823 da de Ourense, 786 da de Pontevedra, 960 da área de Vigo, 484 da de Santiago e 178 da de Ferrol.
Do total de pacientes positivos, 11 están en UCI, 56 en unidades de hospitalización e 4.494 no domicilio. Polo de agora, en Galicia hai un total de 126.642 persoas curadas, rexistrándose 2.439 falecementos.
O número de PCR realizadas é de 2.415.188.
O número de doses de vacina contra a covid-19 administradas é de 3.055.575.
