A provincia comeza a ver luz ao final do tunel. Ou eso semella logo de que, dende o pasado venres, o ritmo de contaxios diarios descendera xornada a xornada de xeito importante. Con todo, continúan a detectarse diariamente un número moi alto de positivos e as altas, aínda que se rexistraron un total de 61 dende o venres ata hoxe, o certo é que non chegan para contrarrestar os positivos.
Así o revela o último informe do SERGAS con datos recabados ata as 6 da tarde de onte, e que cifra en 467 as infeccións activas na provincia, 20 máis que na xornada do sábado e 72 máis que o pasado xoves. Con estes valores nos casos activos a provincia retrocede a niveis de primeiros de marzo, cando se rondaban tamén os 500 casos.
Con todo, como diciamos ao principio o ritmo de contaxios vai descendendo diariamente, ao contrario do que se rexistrou durante a pasada semana. Se ben o venres o SERGAS cifrou en 61 os positivos detectados na xornada anterior, cando acadaban o pico máixmo desta quinta vaga, no día de onte esta cifra descendía ata os 32 casos novos.
E malia esta importante suba, o certo é que a presión asistencial vaise mantendo en bós valores. Así, durante a fin de semana tan só se sumou un ingreso novo, na planta de hospitalización do HULA. Son en total 6 ingresados na provincia, e só un deles está na Unidade de Coidados intensivos do centro hospitalario sito na Capital. O resto, divídense entre o Lucus Augusti, que contabiliza 4 pacientes en planta, mentres que na Costa se rexistra un paciente covid.
Dende o inicio da pandemia 13.668 persoas contraeron o virus, das cales 12.979 xa poden dicir que superaron a enfermidade.
