O Concello anima á cidadanía a participar nas actividades para conmemorar o Centenario do Parque Rosalía

O Parque Rosalía de Castro, espazo verde icónico da cidade, conmemora os cen anos da súa apertura ao público e, “unha nova desta magnitude merece a pena ser celebrada” destacaba alcaldesa de Lugo ao tempo que convidaba aos veciños e veciñas a achegarse o martes 13 de xullo a partires das 17.00h a gozar dunha programación de actividades levadas a cabo para conmemorar o I Centenario do Parque Rosalía.

O Goberno de Lara Méndez, elaborou unha ampla e variada axenda de actividades para tódalas idades que se desenvolverán durante todo o día para renderlle homenaxe a este espazo. Entre elas atopamos acontecementos culturais, artísticos e sociais, sempre co Parque Rosalía como eixo central, que complementan a presentación do libro ‘O Parque de Rosalía de Castro o Centenario da súa creación’, obra escrita por un dos grandes historiadores de Lugo, Adolfo de Abel Vilela, e tamén un dos autores do Plan Director do parque. “Unha publicación que da a coñecer a rica historia deste parque” destacada a rexedora.

Entre as actividades se inclúen a inauguración dun monolito que estará ubicado na entrada principal do parque, unha visita guiada polos puntos de interese arquitectónico, a cargo de Adolfo de Abel Vilela, unha merenda saudable na zona parque infantil para todos os veciños e veciñas de Lugo e para finalizar a xornada a clausura do acto correra a cargo dos Foolmakers, que darán un concerto no templete.

Dende o Goberno estase a levar a traballar de forma paralela nun plan de mellora do Parque, que ademáis de incluír a recuperación tamén a incorpora a instalación de placas que identifican tanto a súa riqueza botánica como a dos seus monumentos que estarán dispoñibles na web do Concello. Unha primeira fase de actuación, xa que no novo prego de mantemento de zonas verdes que acabamos de sacar a licitar hai contemplados unha partida de preto de 300.000 de euros para unha segunda.

Actividades Centenario Parque Rosalía de Castro:

• Inauguración monolito centenario
• Recorrido guiado polos puntos de interese arquitectónico, a cargo de Adolfo de Abel Vilela
• Merenda saudable
• Concerto, a cargo de Foolmakers