A Covid segue estendéndose na provincia, nas últimas 24 horas o número de novos positivos é de 174. A presión hospitalaria mantense aínda que hai un novo paciente con Covid na UCI do Hula.
Con este novo incremento os casos activos sitúanse en 1.364 na área sanitaria de Lugo. En canto ao número de casos activos de coronavirus en Galicia é de 13.963 deles 2.371 son da área da Coruña, 2.285 da de Ourense, 2.485 da de Pontevedra, 3.165 da área de Vigo, 1.721 da de Santiago e 572 da de Ferrol.
Do total de pacientes positivos, 22 están en UCI, 153 en unidades de hospitalización e 13.788 no domicilio. Polo de agora, en Galicia hai un total de 129.036 persoas curadas, rexistrándose 2.443 falecementos.
O número de PCR realizadas é de 2.488.919.
O número de doses de vacina contra a covid-19 administradas é de 3.331.572.
