Un día máis a tendencia do virus na provincia de Lugo é á estabilidade. Con todo, o ritmo de contaxios deu un novo paso atrás tras detectarse un gromo en Monforte que se achega ao medio cento de positivos.
Así o revela o último informe do SERGAS con datos recabados ata as 6 da tarde de onte e que cifra en 1282 o número de casos activos, 5 menos que os rexistrados na xornada anterior. Con todo, o ritmo de contaxios non axuda, pois nas últimas horas volveu a aumentar pasando dos 60 positivos rexistrados o mércores aos 97 de onte. Unha cifra que vén dada logo de se detectar un gromo en Monforte de Lemos que xa suma 50 positivos e outro en Barreiros que se salda con 16 positivos detectados e 2 mozos hospitalizados.
Con todo, as cifras de presión asistencial continúan á baixa. Na xornada de onte o SERGAS contabilizou 2 casos menos en plantas de hospitalización dos centros da provincia. Así, o HULA restaba 3 pacientes en unidades convencionais quedando con 22 infectados por covid en planta e 6 na UCI. Doutra banda, o Hospital da Costa sumaba nas últimas horas un paciente, contando con 2 casos covid en planta. Polo demáis, tanto o Hospital de Monforte como o Polusa continúan sen cambios, con 2 e 1 caso respectivamente.
