Xa están á venda as entradas do partido de baloncesto que o vindeiro sábado, 28 de agosto, enfrontará aos equipos Obradoiro CAB e o Río Breogán no pavillón da Malata de Ferrol ás 20 horas na XXXV Copa Galicia Senior Masculina de Baloncesto.
Este partido terá un marcado carácter solidario, tendo como leitmotiv a sensibilización sobre a doazón de órganos co lema DOAR ÓRGANOS É SALVAR VIDAS. Cun aforo de 1.500 prazas permitidas, toda a recadación será destinada ao fin solidario de promoción da doazón de órganos.
Dende a asociación Alcer Coruña faise un chamamento social para encher todas esas prazas neste evento emocionante e solidario. As entradas xa se poden adquirir en ataquilla.com.
Tamén é posible colaborar con esta causa solidaria a través da Fila 0, unha fila virtual, que non dá dereito á entrada ao campo pero que permite que a colaboración coa causa e a posibilidade de entrar nun sorteo dunha camiseta do novo equipamento do xogador Henry Ellenson do Río Bregogán do Obradoiro CAB e tamén dun pack de camiseta, bufanda, peluche e máscaras da mascota do Río Breogán.
