O xoves 9 de setembro comezarán en Galicia as clases nos ciclos de Infantil, Primaria e Educación Especial para 187.624 alumnos, o que supón 9.180 menos ca no curso 2019/20, o inmediatamente anterior á pandemia, segundo os datos provisionais recompilados polos servizos estatísticos da Consellería de Cultura, Educación e Universidade. Só en centros públicos o alumnado descende en case 6.000 escolares respecto do último curso antes da pandemia.
Respecto do curso 2020/21 a diminución é de 4.832 escolares, 3.363 deles en centros públicos. Neste sentido cómpre lembrar que as cifras de matriculación poden ir mudando ao longo do curso escolar.
En calquera caso, e malia ao descenso de alumnado, a Xunta de Galicia mantén as plantillas de profesorado por riba das que había no curso 2019/20, atendendo as necesidades xeradas a partir da pandemia da covid-19. Cómpre lembrar que nestas etapas as medidas sanitarias mantéñense invariables respecto das do curso pasado, con grupos burbulla sen distancia de seguridade.
Lugo
Na provincia de Lugo, serán un total de 19.789 os alumnos que comezan as clases este mércores nalgún dos 120 centros da provincia. En concreto, entre as Escolas Infantís públicas, privadas e concertadas da provincia, contarán este ano con 6128 nenos. Nos colexios de educación privada, tanto en educación pública, como concertada ou privada, serán un total de 13.576 alumnos. Por último, 85 nenos cursarán este ano nos centros de Educación Especial da provincia.
