Lugo continúa mellorando as súas cifras relativas á Covid, consolidando así o fin da quinta vaga. Así, nos últimos datos recollidos polo SERGAS, a provincia rexistra un total de 418 casos activos, 14 menos que na xornada anterior.
Segundo o último informe do SERGAS, con datos recabados ata as 6 da tarde de onte, Lugo sumou 16 casos novos, detectados nalgunhas das probas diagnósticas dispoñibles. Moi na liña da xornada anterior.
No tocante á presión asistencial, logo da suba rexistrada o sábado, Lugo recupera as cifras da semana pasada, con 16 ingresados en planta, e 4 na UCI. Por hospitais, o HULA suma 6 pacientes covid en unidades convencionais, mentres que o Hospital da Costa conta cun paciente e o de Monforte rexistra 9 ingresados covid nas últimas horas.
