Unha delegación de Lugonovo reunese este xoves ás 20.00 horas na Casa do Concello co PSOE para facer unha valoración dos resultados electorais do pasado 24 de maio e achegar posturas de cara a formar un goberno de progreso para o Concello de Lugo.
En principio os prantexamentos de Lugonovo e Psoe están diametralmente opostos por mor da esixencia da plataforma lucense de esixirlle ao PSdG que retire a candidatura de López Orozco para negociar un candidato socialista á alcaldía de Lugo.
Dende a plataforma anuncian que están abertos a calquera xuntanza coas distintas forzas políticas que saíron elixidas nas pasadas eleccións, por respecto institucional e tamén por cortesía.
Lugonovo ven sinalando dende o principio da campaña electoral as liñas vermellas que non están dispostos a cruzar en ningún caso, e entre elas está a de non apoiar a ningún candidato que estea imputado.
Así que haberá que esperar a que as dúas formacións ofrezan os seus puntos de vista para saber se hai posibilidade de que cheguen a acordos para nominar un candidato de consenso.
