Este domingo ás 20:30h terá lugar na sala Tebras de Lugo o concerto do artista cubano Ariel Brínguez que será o encargado de por o broche de ouro ao Festival Semana Santjazz que se celebra esta fin de semana en Lugo.
Ariel Brínguez, saxofonista, profesor, compositor e arranxista, graduado na Universidade das Artes da Habana (Cuba), misturará os ritmos antillanos coa tradición afrocubana, no seu novo traballo Nostalgia Cubana que presenta esta tarde de domingo na sala Tebras de Lugo dentro do Festival Semana Santjazz que se está a celebrar esta fin de semana en Caldiae Factoria Cultural.
Baldo Martínez Triskel Trio foron os encargados de abrir o festival cunha grande actuación o pasado vernes 24 de setembro. Onte sábado, dende o restaurante Vexetarian, o público puido degustar a exquisita comida vexetariana e gozar do directo dos lucenses Foolmakers. Para logo deleitarse coa magnifica actuación de Nani García Trío na sala Tebras.
