Caldiae Factoría Cultural presenta para esta fin de semana unha nova proposta musical que encherá todos os espazos cos que a factoría conta na capital co Festival Músicas Diversas Lugo Folk.
Así dende mañá, venres, e ata o domingo, a Sala Tebras, o Auditorio Caldiae e o Restaurante Vexetarian acollerán nos seus espazos a artistas nacionais da talla de Korrontzi, Alberto Lucena o Manuel Luna.
O venres, día 1, abrirá boca o guitarrista flamenco Alberto Lucena, de Andalucía, cunha cea-concerto, a partir das 21.30 horas no Vexetarian.
O sábado comezará o Festival ás 13 horas, cunha conferencia a cargo de Fernando Íñiguez, Director de La Tarataña en Radio 3; baixo o título “A situación do folk no Estado Español” no Auditorio Caldiae.
A música comezará a soar o sábado ás 20 horas con Manuel Luna que achega dende Cantabria ao grupo Brena La Música. A continuación a música canaria chegará á Sala Tebras da man de ETNO o proxecto persoal do músico Miguel Afonso.
O broche de ouro a este Festival será o domingo. Ás 13 horas comezará no Auditorio Caldiae unha mesa redonda con Ricardo Ros (As gaitas de boto na música catalá), Agus Barandiaran (El fuelle del infierno: origen y evolución de la trikitixa), Manuel Luna (Etnomúsicas e globalización na era dixital) e Etno Miguel Afonso (Músicas de raíz nas Illas Canarias).
O punto final deste festival será por todo o alto, o catalán Ricardo Ros seguido do euskaldun Korrontzi, encargados de amenizar a última noite, dende as 20 horas; traerán á Sala Tebras as músicas e bailes populares da súa terra.
Información e venta de entradas dispoñible na páxina web da compañía: caldiae.gal.
O cartel
Alberto Lucena
Nacido en Córdoba no 1972, Alberto Lucena dende os seus inicios ata a actualidade, destaca por as súas numerosas actuacións en diferentes festivais e recitais acompañando a cantaores e bailaores flamencos por todo o territorio nacional. O guitarrista da un xiro a súa carreira, abríndose a novos camiños e deixando o flamenco máis puro para prestar os seus servizos no musical de rock sinfónico andaluz, Walada, con Aida Gómez, Igor Yebra e Paco Mora e onde se fusiona estilos tan distintos como rok-andaluz jazz, blues e flamenco. Dende hai sete anos forma parte do tablao flamenco de Córdoba CARDENAL. Na actualidade acompaña nas súas actuacións ao cantaor Raul Alcantara Chacon, El Troya, obtendo inmunerables premios. En maio de 2008 presentou o seu propio espectáculo ALBA, estreándose como concertista con temas propios no festival internacional de guitarra en Córdobacompartindo cartel con grandes artistas nacionais e internacionais. Na actualidade é o guitarrista do Tablao flamenco Cardenal en (CORDOBA) , o cal esta recoñecido como un dos máis importantes do mundo.
Fernando Íñiguez
Burgalés de nacemento, de adolescente viviu no Sáhara Occidental e, tras a Marcha Verde, aterrou na Complutense madrileña para estudiar Ciencias da Información. Tocoulle a intensidade xuvenil do paso do hippismo ao punk, coincidente coa transición da ditadura á democracia. Nos oitenta, licenciado xa, e en plena Movida, ocupou os departamentos de prensa das discográficas Emi e Ariola (hoxe, Sony).
Dende aí impulsou a principios dos noventa, como Director Artístico de Producto Latino, o inicio e/ou desenrolo das carreiras de Juan Luis Guerra, Xuxa, Willie Colon, Chico Buarque, Maldita Vecindad, Caifanes, Los Van Van, Daniela Mercury ou Rocío Dúrcal, entre outras.
Dende 1993 é colaborador habitual do diario El País, ademais de poñer a súa firma en outros artigos e reportaxes referentes á música popular e o seu entorno social publicados en diversos medios. Dende finais dos 90 compaxina a súa actividade periodística especializada en música
coa faceta de DJ. Coñecía a radio como tertuliano invitado en numerosos programas ao longo da súa vida periodística, pero non debutou neste medio ata abril de 2009, onde conduciu en Radio 3 ata xuño de 2010 o Bonus Track de El Postre. Dende o 11 de setembro de
2010, encargase de Tarataña, o programa de Radio 3 dedicado ao folk e as músicas de raíz da península ibérica e as súas illas.
Korrontzi
Korrontzi, banda de música tradicional (País Vasco) formada por Agus Barandiaran en 2004. Ofrece unha fusión de sons tradicionais de música folclórica do País Vasco cun aspecto contemporáneo, sempre desde a perspectiva dunha música baseada na trikitixa (acordeón diatónico vasco) e acompañada por instrumentos máis modernos. Korrontzi ten dez álbums publicados ao longo dos seus
dezasete anos viaxando coa súa cultura, idioma, danza e música, visitando países tan diferentes como Canadá, Eslovenia, Inglaterra, Marrocos, Alemaña, Estados Unidos, Romanía, Francia, Cabo Verde, Irlanda, Brasil, Malaisia, Grecia, Bélxica, República Checa, Italia, Isla Reunión, Portugal… e converténdose en escaparate da tradición vasca en festivais de música de todo o mundo, onde sempre recibiron unha gran ovación e eloxios. Resumindo, Korrontzi é un grupo de música vasca que non deixa indiferente a ninguén, coa súa forza e enerxía é capaz de transmitir dende sons antigos ás novas tendencias do folk cunha visión única e progresista.
Manuel Luna
Manuel Luna, antropólogo e músico, coñecido pola súa vinculación aos estudos patrimoniais da cultura ibérica, é profesor universitario, investigador e tamén creador de varias bandas de música de raíz e outras formacións musicais do terreo, ademais de divulgador destas músicas, por anos, en Radio 3 e outras emisoras nacionais. Agora preséntanos unha nova faceta da súa obra artística, procedente das músicas da Iberia do norte. O cantante, de orixe cántabra, con máis dunha quincena de traballos no seu historial, decide de novo achegarse ás músicas
do Cantábrico. Brena é unha braña de altura pola terra pasiega, pero tamén un recordo emocionado aos antepasados de Manuel procedente da saga Samperio. Un territorio, que como outros, sofre un despoboamento crecente, por tanto, un bo momento para parar e escoitar o silencio dos montes e endereitar uns toques e uns cantes do terreo con arranxos propios, antes que todo sexa un recordo. Manuel Luna é o cuarto disco de tema cantábrico que ofrece ao público, cargado dunha experiencia que lle levou a percorrer con esta e outras formacións, como a Cuadrilla Maquilera ou Citrus Band, escenarios de Europa, Latinoamérica e o Magreb. Luís Anxo Jorrín, José Maria Murillo e Manuel Luna son Brena La Música. Os tres conforman este proxecto inicial, que poderá ampliarse no futuro e que agora nos ofrecen cun novo rexistro interpretativo onde Manuel poñerá a voz, guitarra e percusións.
Miguel Afonso (ETNO)
O proxecto ETNO exponse como concerto, que nos aproxima á diversidade de ritmos, melodías, coplas e romances existentes en Canarias, que aposta por dar a coñecer este legado máis aló das fronteiras do arquipélago e que revaloriza entre os mozos canarios, esa sabedoría popular que nos conecta co esencial. Este tránsito polas músicas antigas, ETNO navega desde a época dos primeiros poboadores das illas, ata profundar nesa interesante e enriquecedora confluencia cultural, que marcou a identidade insular, tras o paso dos séculos.
No transcorrer do concerto, exporemos dúas visións da música antiga de orixe folclórica ou popular: Por unha banda, a mostra do folclore tradicional máis auténtico e doutra banda, a renovación do mesmo a través da creación musical aplicada. Exporase se se advirte en elementos primitivos; se desapareceu ou se pola contra está presente de forma moldeada, tras xiros, matices ou cadencias. Mostraremos as influencias hispanoportuguesas, as chegadas do centro-norte de Europa, de América… O que marcou a sonoridade, os instrumentos utilizados e a súa procedencia, etc.ETNO nace cunha vocación de difusión deste legado entre as novas xeracións, xa que o seu coñecemento, representa un medio para conseguir unha mellor identificación coa súa terra, un instrumento para achegarse ao verdadeiro sentir popular e un acto de responsabilidade para que siga viva a cultura popular. Defender o coñecemento profundo do feito tradicional, porque sen dúbida é xerme de creación e inspiración a novas composicións. En definitiva, ETNO mostra parte do patrimonio intanxible de Canarias, vinculado ao devir da vida dos nosos antepasados. E é que consideramos que o feito tradicional, debería ocupar un papel destacado dentro do ensino regrado, como
excelente vehículo para a formación.
Ricard Ross
ROS é o novo proxecto do músico catalán Ricard Ros i Roig centrado na tradición musical catalá e na súa cornamusa, o sac de gemecs. Coa experiencia dos grupo “RIU” e “Qui hi ha?” o frautista e gaiteiro emprende o seu camiño máis persoal ben acompañado da violinista catalá Marta Barbero, o bouzukista portugués Luís Peixoto e as caixas de ritmos e sintetizadores do arxentino Lucho Torres. O repertorio nútrese de novas composicións e pezas como o ball pla, a sardana e a xota. Centradas na tradición catalá, as composicións, propoñen revalorizar a presenza da súa gaita, “o sac de gemecs”. ROS está arraigado á tradición e tende a man ao presente cun son moderno e unha proposta renovadora. O grupo está composto por Marta Barbero (violín), Luís Peixoto (bouzuki), Lucho Torres (sintetizadores e caixas de ritmos) e
Ricard Ros (sac de gemecs, whistles e ueilleann pipe).
