A Covid que volve abrir informativos logo de comezar unha nova escalada de casos en toda Galicia, tamén na nosa provincia na que nas últimas horas aumentaba en 3 casos. Nada significativo se non fora porque na xornada anterior xa tiña aumentado noutros 9. Así, onte a cifra de casos activos na provincia chegaba ás 68 infeccións, lonxe dos números que se manexaban hai tan só unha semana.
Asemade, esta suba comeza a ter repercusión tamén na presión asistencial, e é que o Hula que onte quedaba con 2 pacientes, hoxe rexistraba un novo ingreso. Así o Hospital lucense volve contar con 3 ingresados con covid, un deles que continúa na UCI.
No tocante ao ritmo de contaxios, Sanidade detectou 7 novos casos por PCR, que se suman tamén ás 11 probas positivas que se rexistraban o martes.
Con todo, dende o inicio da pandemia, 19735 persoas curáronse na provincia fronte ás 254 que finaban na súa loita contra a Covid.
