O Concello realiza novas actuacións enmarcadas no plan de calmado do tráfico na cidade. Así, a área de Mobilidade céntrase nestes momentos no barrio da Ponte onde trata de “mellorar a seguridade viaria”.
O concelleiro titular da área de Mobilidade afirmou que “desde a concellería de Infraestruturas estamos a estudar realizar máis actuacións nesta zona para continuar a avanzar na mellora da seguridade viaria no conxunto da cidade”. Segundo o edil de Infraestruturas, “estamos a transformar a mobilidade en Lugo, planificando unha cidade cun cun tráfico calmado e menos vehículos a motor nas rúas na que as persoas sexan o centro”
Os edís visitaron a zona para ver, de primeira man, as obra a realizar e, segundo declarou o edil de Infraestruturas, “planificar mellor os traballos a realizar desde a concellería de Infraestruturas tendo en conta as reclamacións e as necesidades da veciñanza”.
