O Tenente Alcalde do Concello de Lugo anunciou que durante o primeiro trimestre de 2022 comezarán novos traballos de renovación en 7 rúas das Gándaras. O segundo edil do Concello explicou que “no 2021 renovamos o asfaltado de 15 rúas do barrio e nos primeiros meses deste ano continuaremos a mellora da zona con sete novas intervencións”.
O Goberno de Lugo actuará no firme das rúas Ferradura, Ouriol, Garza e no Camiño das Regas e Pista da Fervedoira, ademais de renovar 400 metros de beirarrúa na Calzada das Gándaras e mellorar o firme de Rúa Tras do Colexio .
“Continuamos a traballar na mellora dos barrios da cidade e das zonas periurbanas, mellorando a calidade de vida das veciñas e veciños que a diario utilizan estas rúas”, afirmou o Tenente de Alcalde, que engadiu “con esta intervención completamos os traballos iniciados o ano pasado, rematando a renovación integral da zona das Gándaras”.
