Dúas mulleres recibiron asistencia esta tarde en Lugo ao resultar posiblemente intoxicadas con monóxido de carbono nunha casa na Rúa de San Eufrasio.
O 112 Galicia recibiu a alerta da situación das dúas persoas a través de Urxencias Sanitarias de Galicia-061, ao fío das dúas e media. Segundo a información recollida no 112 Galicia, un familiar das dúas mulleres afectadas non lograba comunicarse con elas, o que puxo en alerta aos servizos de emerxencia que, á súa chegada á vivenda, atopáronas inconscientes.
Así, nada máis recibir o aviso, desde o CIAE 112 Galicia púxose a situación en coñecemento dos Bombeiros de Lugo, da Policía Nacional e Local, de Protección Civil e da empresa subministradora do gas.
Posteriormente, as dúas mulleres foron trasladadas polos servizos sanitarios a un centro hospitalario.
