O Executivo local informa de que o Concello de Lugo acaba de ser víctima de un ciberataque que xa foi comunicado e denunciado ante o Centro Criptolóxico Nacional e a Policía Nacional que, dende a UDEF, iniciou a correspondente investigación para esclarecer os feitos.
Debido a este extremo e para non interferir no labor policial, dende o Concello anuncian que non é posible facilitar máis información ao respecto aínda que se descarta que se trate dunha actuación de tipo indiscriminado dirixida por mafias senón que parece obedecer a un ataque dirixido especificamente contra a Institución local xa que foi executado empregando como reclamo datos concretos e moi elaborados relacionados coa actividade da Administración.
