O concelleiro de Educación e Difusión do Coñecemento, Felipe Rivas, informou da publicación das listaxes definitivas de adxudicación de prazas nas escolas infantís xestionadas polo Concello de Lugo. Rivas lembrou que “o período de matriculación abrirá este luns, 2 de xuño, e estenderase ata o venres 17 ddste mesmo mes.
As listas definitivas poden consultarse nos taboleiros de anuncios das distintas escolas e do Concello de Lugo, ademais de nas oficinas da Concellería de Educación.
A rede de escolas infantís municipais está formada por catro escolas situadas en diferentes barrios da cidade. Neste ano, como novidade, aplícase a gratuidade da atención de todas as crianzas, sen importar se teñen ou non irmáns/ás. “
