Esta semana, a partir do venres 11, a programación dos cines Codex inclúen tres estreas: “Emilia” que combina ficción e documental e os filmes “Vasil” e “Os pasaxeiros do tempo”.
Emilia, está dirixido por Miguel Ángel Calvo Buttini, é unha longametraxe que reivindica a unha das máis grandes personalidades da literatura española. Pardo Bazán, firme defensora dos dereitos da muller nunha época, finais do século XIX e principios do XX, nada permeable á equidade de xénero. A ficción parte do monólogo homónimo de Noelia Adánez e Anna R. Costa que se representa con grande éxito no Teatro do Barrio dende o 2016 e polo que a súa protagonista, Pilar Gómez, conseguira o premio Max á mellor actriz.
Asemade tamén chega a Codex Vasil unha comedia que conta coa interpretación de dous grandes: Karra Elejalde e Iván Barnev. Vasil é intelixente, carismático e un número un xogando ao bridge e xadrez, pero durme na rúa dende que chegou a Bulgaria. Alfredo, un arquitecto xubilado, acólleo na súa casa durante un tempo ante a mirada atónita da súa filla Luisa. Os dous homes non teñen nada en común, excepto a súa paixón polo xadrez. A pesar das súas diferencias, pouco a pouco, Vasil conseguirá romper todas as barreiras construídas por Alfredo. E é que Vasil ten un don: transformar para sempre a aquelas persoas coas que se relaciona.
E Finalmente o filme Os pasaxeiros da noite dirixida polo cineasta francés Mikhael Hers e galardoada co premio o mellor guión na 67ª edición da Seminci de Valladolid. O filme comeza co ascenso ao poder de François Mitterrand en 1981. Esa noite os franceses toman as rúas, eufóricos. Pero a Elisabeth, a protagonista, cústalle compartir o ambiente xeral de optimismo. O seu matrimonio está chegando ao seu fin e agora terá que manter a súa familia. Está angustiada e ao seu pai e aos seus fillos adolescentes preocúpalles que non consiga superar a súa pena. E se escoitar as súas propias emocións lle axudara a levar pouco a pouco esa páxina en branco na que se converteu o seu futuro?.
Asemade, Codex Cinema proxectará maña xoves os últimos pases de “Girasoles Silvestres” e “Un ano, unha noite”.
Poden consultar toda a programación en: www.caldiae.gal
