O CD Lugo rescindiu de mutuo acordo os contratos do defensa Manuel Pavón e do gardameta Jon Ander Serantes, aos que lles restaba un ano de vinculación, ata o 30 de xuño de 2016.
O Club comunicou a Pavón que non entraba nos plans do técnico Luis Milla para a tempada 2015-2016, abrindo un período de negociación entre ambas as dúas partes que concluíu hoxe coa rescisión do contrato.
O CD Lugo agradece a Manuel Pavón a profesionalidade e entrega demostrada durante as tres tempadas nas que militou no equipo (2012-13, 2013-14 e 2014-15). Jon Ander Serantes foi incorporado ao CD Lugo para a tempada que acaba de concluír (2014-15), na que xogou cedido no CD Leganés.
