Este fin de semana Os Ancares acolleron a nova iniciativa promovida por Turismo de Galicia “De póla en póla”, un innovador programa de turismo ornitolóxico que permite gozar dunha fin de semana en contacto coa natureza descubrindo o mundo das aves. Ademais dunha formación teórica e práctica de introdución á observación de aves, inclúe a estancia en establecementos rurais de Galicia.
Así, “De pola en pola” ofrece aos amantes do mundo ornitolóxico un completo programa de fin de semana que inclúe o aloxamento de venres a domingo nos establecementos rurais de Galicia seleccionados, as ceas do venres e sábado, os almorzos do sábado e domingo, un xantar tipo picnic para o sábado, para gozar do campo mentres realízanse as primeiras observacións, e a formación teórico-práctica de observación de aves impartida por un monitor experto.
Nesta primeira edición Turismo de Galicia escolleu para este programa tres dos espazos máis senlleiros da xeografía galega para o avistamento de aves: o Canón do Sil, A Terra Chá e os Ancares e Montes de Cervantes.
Dende Turismo de Galicia apóstase polo turismo ornitolóxico como un uso sostible dos recursos naturais que permite achegarnos á natureza e ás paisaxes desde un punto de vista singular, cercano e privilexiado. O programa, que combina estas dúas riquezas de Galicia, a natureza e o turismo rural, ten por obxectivo dinamizar o turismo no eido rural, promover o turismo ornitolóxico, e favorecer a desestacionalización.
“De póla en póla” é unha das accións contempladas na segunda liña estratéxica do Plan Integral de Turismo de Galicia, centrada na oferta turística baseada no patrimonio e nos recursos endóxenos, buscando a desestacionalización e os novos públicos. Nesta estratexia enmárcanse outras iniciativas do eido do turismo ornitolóxico como a asistencia á Feira Internacional de Ornitoloxía, FIO, que celébrase no Parque Nacional de Monfragüe, en Extremadura, e trátase do certame turístico máis importante do sector en
“De póla en póla” é a primeira iniciativa dun programa extenso de turismo ornitolóxico que Turismo de Galicia presentará de maneira completa no próximo ano. Outra das iniciativas xa postas en marcha é unha plataforma específica de turismo ornitolóxico albergada na páxina web de Turismo de Galicia que ofrece o “Top Ten do Turismo Ornitolóxico”.
A plataforma propón diversas rutas para facer en coche ou a pé, con información e soporte de Google Maps, para o avistamento de aves indicando as especies mais emblemáticas de cada espazo.
