Unha patrulla camuflada da policía local de Lugo logrou interceptar esta madrugada a unha persoa que conducía de forma temeraria pola rúa Paseo dos estudantes. Os axentes tiveron que perseguilo por varias rúas ata que conseguiron deter o vehículo. O conductor foi multado por catro infraccións: condución temeraria -sancionada con 6 puntos e 500 euros-, non respectar ordes e indicacións dos axentes -200 euros e 4 puntos-, non respectar a luz vermella dun semáforo -200 euros e 4 puntos- e non deterse ante un stop -200 euros e 4 puntos-.
Non foi a única intervención da policía local esta madrugada, xa que os axentes detectaron cinco vehículos coa ITV caducada e dous que circulaban sen o seguro obrigatorio.
