O Concello de Lugo, xunto coa Asociación Provincial de Empresarios da Hostalería e Turismo de Lugo (APEHL), presentaron a XVIII edición do Concurso de Tapas de Lugo, que terá lugar entre o 3 e o 19 de novembro.
Os locais participantes ofertarán as súas tapas a todas as persoas que o desexen, que exercerán de xurado popular para escoller a tapa gañadora do concurso e as 12 finalistas. O encargado de escoller o gañador entre estes 12 será un xurado profesional.
As persoas que o desexen poderán votar as distintas tapas mediante un cupón de votación individual, que deberá ir selado polos establecementos participantes. Cada tapa poderá ser puntuada cunha nota do 1 ao 5. Todos os cupóns presentados participarán no sorteo de distintos premios. Ademais, aqueles cupóns participantes cun mínimo de 10 establecementos visitados participarán no sorteo dunha escapada gastro-relax para dúas persoas no Hotel Pazo Los Escudos de Vigo; e os selados por 20 establecementos participarán no sorteo dunha viaxe dunha semana para dúas persoas a Ámsterdam.
A edición 2023 do concurso de tapas de Lugo conta con 37 locales de hostalería participantes distribuídos por toda a cidade: 3 pés, Anda, Antas, Ave César, Barros Cervecería, Bulló Xantar, Casa D’Auga, Desnivel Tapas e Copas, Eduri, El Boni, El Dotmas Bar, El Santuario de Magnus, España, Galo, Gran Café, Hotel Mercure Lugo-Brasas Brancas, Karrusel, La Cosechera de 1977, La Terraza del Méndez, Las Cinco Vigas, Legends Café, Manuel Manuel, Mesón El Castillo, O Castor, O Cincuenta e Seis, O Figón, O Mercado Casa de Comidas, Orixe do Campo, Paprica, Parada 33, Portal 36, Pulpería O Castelo, Prebe by Bret, Quimera, San Marcos Café, Santeiro’s Terraza, Taberna Daniel e Tapería o Peque.
Na edición anterior, celebrada en 2022, o gañador foi a parrillada El Boni, que se fixo co primeiro premio coa tapa ‘A leira do mar’, sendo esta a cuarta victoria consecutiva para o local. A tapa consistía nunha gyoza de pulpo, langostino, rodaballo á brasa, salsa teriyaki, crocante de xenxibre e algas e plancton, todo gardado nunha caixa de madeira que ao abrila revelaba o contido entre brétema e luz.
