Os Codex Cinema reciben esta semana dúas novas estreas: ‘Vidas pasadas’, que chegará mañá, e ‘Juniper’, que se estreará o venres.
‘Vidas pasadas’, baixo a dirección de Celine Song, conta a historia de como a familia de Nora emigra a Canadá cando ela ten dez anos, polo que perde o contacto co seu amigo da infancia. Moitos anos despois, cando Nora está estudando teatro en Nova York, reencóntrase con el online. Unha película fermosa e dolorosa a vez, xa que non resulta fácil contar esta historia sen deslizarse polo sentimentalismo e a nostalxia.
‘Juniper’ é un filme dirixido por Matthew Saville que resume á perfección as experiencias da vida pero que rompe o corazón ao mesmo tempo. Trata dun adolescente autodestructivo que é expulsado do colexio e, como castigo, pídeselle que coide á súa rabuda e alcohólica aboa. Os disparatados momentos que vive con ela cambiaranlle a vida.
