Os veciños de Nadela mobilizáronse unha vez máis para reclamar a Sanidade melloras para o seu Centro de Saúde. Na concentración acompañáronos representandes do BNG de Lugo, entre os que estaban o Tenente de Alcalde, Rubén Arroxo, que sinalou que “é preciso que a Xunta manteña o servizo de atención primaria neste Centro de Saúde que atende a máis de 700 persoas” e que “en vez de aportar solucións está a forzar á veciñanza a facer desprazamentos innecesarios a outro centro de saúde, en moitos casos, persoas maiores e con problemas de mobilidade”.
O BNG trasladará ao Parlamento de Galiza a situación do barrio de Nadela e das outras parroquias atendidas neste centro. Ademais, esta situación debaterase tamén no vindeiro pleno do Concello de Lugo.
