Héctor Corujo, alcalde de O Incio, ven de entregar hoxe toda a documentación e asinar as declaracións de bens e incompatibilidades como paso previo á toma de posesión no pleno provincial. Corujo ocupará a acta que deixou Carmen José López e tomará posesión na sesión ordinaria do día 30 da súa acta como deputado provincial.
Héctor Corujo destacou que chega ao Grupo Popular “moi ilusionado e con moitas gañas de aprender e de traballar pola miña comarca, pola provincia de Lugo e por todos os seus veciños”
Os deputados populares dan a benvida ao novo compañeiro do Grupo Provincial e ven en Héctor Corujo “a un deputado moi importante, cun gran coñecemento da provincia e especialmente da súa comarca, dada a súa dilatada experiencia política e o seu amplo coñecemento do funcionamento da administración local”
