O Concello de Lugo informa de que a partir deste martes ás 17:00 horas e ata o mércores ás 18:00 horas procederá ao peche dos parques da cidade ante a chegada dos restos do furacán Kirk que podería deixar refachos de ata 100 km por hora e que afectarán a toda Galicia. Así mesmio, as instalacións deportivas descubertas pecharán desde hoxe ás 16 horas ata mañá ás 18 horas. Asemade quedan suspendidas todas as actividades ao aire libre do San Froilán dende hoxe ata mañá ás 18:00 horas.
A previsión meteorolóxica prevé rachas de vento de ata 100 Km/h, o que fixo que se declarase o nivel amarelo de emerxencia entre as 18:00 de hoxe e as 08:00 de mañá, xoves 08, e que se poderá extender ata as 17:00.
O Concello toma estas medidas para garantir a seguridade da cidadanía ante este fenómeno meteorolóxico adverso que será de nivel amarelo dende as 18:00 horas do mércores ata as 08:00 horas do xoves, e que podería extenderse con nivel laranxa ata as 17:00 horas deste mesmo día.
Dende Transición Ecolóxica explícase que operarios dos servizos municipais precintarán, por tanto, os parques de Rosalía de Castro, Frigsa, Paxariños, Marcos Cela, quedando prohibida a entrada aos mesmos dende ese momento. Asemade a área de Cultura comunicará calquera cambio que se teña que producir no programa de Festas segundo avance a previsión meteorolóxica.
Ademais, faise un chamamento á cidadanía para pedirlle que respecten estas limitacións, evitando correr riscos innecesarios para non poñer en perigo a súa seguridade.
