Tralo paso da borrasca Kirk que deixa un regueiro de incidencias na provincia, como caídas de árbores, desprendementos de terra, pedras e tellas de edificios, dende o Plan de seguimento e control dos caudais dos ríos (IMELGA) alertan que catro ríos da provincia están en alerta por desbordamentos. Os ríos son: Landro, Ladra, Masma e Ouro.
Debido a esta situación, debese reducir o paso e a presenza tanto de persoas coma de vehículos á beira destes cursos, así como abandonar calquera actividade fluvial que poida comprometer a seguridade.
Entre as incidencias da provincia cabe destacar o desprendemento do falso teito da entrada dun colexio en Monforte de Lemos que por fortuna non ocasionou danos persoais, así como inundacións na rúa Serra de Meira en Lugo capital.
