O Partido Popular recrimina ao responsable desta área, o BNG, que “poña en risco este servizo público que conta cunha alta demanda e que
deixe na estacada aos 350 lucenses que se apuntaron nas listas deste curso académico que debería estar funcionando dende setembro”.
O popular, Javier Vázquez, afirmou que a “Escola de Música é un servizo público fundamental na oferta cultural e educativa de Lugo lembrando que o problema da situación que vive nestes momentos vén motivado porque o goberno local se nega a cumplir o acordo do pleno de subir aos músicos da banda á categoría retributiva que lles corresponde como docentes”
Dende o PP queren respostas claras indicando como “o 28 de novembro rematou o prazo para que se presentansen as persoas interesadas en formar parte do equipo directivo da Escola de Música, un órgano necesario para que funcione este servizo”.
Vázquez insiste en que hai “desinformación aos usuarios, de feito, a Circular Informativa que hai na porta da Escola se pode ler que a previsión é iniciar a actividade académica nos primeiros días de outubro”.
Dende o Partido Popular piden “unha solución urxente e un compromiso real coa cultura”.
