Dende máis dunha hora antes de que puideran retirar as entradas para os concertos de Ainhoa Arteta os vindeiros 20 e 22 deste mes de decembro, co gallo da inauguración do novo auditorio. Todo transcorría con normalidade ata que ás doce do mediodía dábase por rematada a entrega das entradas, gratuítas, ata as catro da tarde.
Nese momento a indignación comezou a elevarse, xa que, segundo moitas das persoas que facían cola, aseguraban que no teléfono de información do Concello se lles asegurara que se entregarían entradas ata rematalas. As persoas que agardaban descoñecían esta medida, polo que a tensión foi “in crescendo” tendo intervir a policía municipal.
O PP denuncia que “o bipartito nin sabe xestionar nin asume responsabilidades”
Os populares fixéronse eco da indignación que levantou o reparto de entradas para os concertos inaugurais do auditorio de Magoi, unha situación que é produto do xeito de gobernar do bipartito, pensando na foto e na propaganda e non en facer as cousas ben”.
Os populares denuncian que “se alcanzaron momentos de tensión na porta do edificio de novas tecnoloxías, con berros e ata un indignado cidadán tomándoa contra dun empregado do concello, ao que agarraron pola chaqueta. As protestas chegaron tamén aos despachos dos concelleiros, coa concelleira de Cultura negando ter responsabilidade en todo o que ten que ver co auditorio e a súa inauguración e culpando directamente a alcaldía, cun asesor do lado socialista contándolle aos veciños que a prensa non reflectira correctamente a forma deseñada polo bipartito para a entrega das entradas e a alcaldesa escudándose na súa apertada axenda para non atender aos veciños que lle protestaban
