Orquestra Terra Nova. Autor: Mario Lourés.Este 20 de decembro, será inaugurado o Novo Auditorio da cidade de Lugo, que aínda está pendente de bautismo. Sexa Darío Xohán Cabana, Fuxan os Ventos, Maruja Mallo ou Maruja Villanueva, a construción, con finalidade memorial e cultural, abre as súas portas a partir do terceiro venres deste mes cun ciclo de “Concertos De Nadal”.
O venres, a partir das 20:00 horas da tarde, a soprano española Ainhoa Arteta oferta un recital que, debido á alta demanda de entradas, volverá a ter lugar o domingo 22 de decembro unha hora antes. Nunha muda do instrumento a empregar, o 21 de decembro, a partir das 19:00 horas da tarde, a veciña Orquestra Terra Nova continuará coa oferta clásica de melodías navideñas para Lugo.
Entradas gratuitas
As entradas están a ser entregadas á veciñanza lucense de forma gratuita, contando cun límite máximo de catro tickets por persoa e ata encher o aforo dispoñible, de 10:00 a 14:00 horas no Edificio de Novas Tecnoloxías e, de 16:00 a 20:00 horas, na Conserxería da Casa do Concello.
