Cartaz ‘Cine con perspectiva’. Fonte: Xunta de Galicia.Nunha colaboración entre a asociación cultural Festival Internacional Cine de Bueu e a Consellería de Educación, é convocada a iniciativa ‘Cine con perspectiva’ para a que xa están seleccionados os corenta centros de Galicia que formarán parte. A acción, que propón a incorporación dunha análise crítica sobre o tratamento da muller no cine e noutras formas de expresión audiovisual, é dirixida ao alumnado dos dous últimos cursos de Primaria así como para os dous primeiros da Secundaria.
Durante o segundo e o terceiro trimestre do presente curso académico, serán realizadas actividades co estudantado que combinen a análise e creación audiovisual. Primeiramente, os alumnos visualizarán unha serie de curtametraxes centrados en temáticas como a igualdade de xénero acompañadas de coloquios dinamizados por persoas expertas. Posteriormente, os participantes desenvolverán pequenas producións de seu con enfoque de xénero botando man de diferentes formatos.
Entre os institutos e centros de educación participantes, figuran os pertencentes á provincia lucense de IES Plurilingüe Fotem Albei (A Fonsagrada), CEIP Plurilingüe Concepción López Rey (Baleira), IES Perdouro (Burela), CPI Dr. López Suárez (Friol), CPI Dr. López Suárez (Mondoñedo), IES de Monterroso (Monterroso) e IES A Pinguela e IES Francisco Daviña Rey (Monforte de Lemos).
