O director xeral de Estradas do Estado, Juan Pedro Fernández Palomino, anunciou esta maña que o tramo da A-54 entre Palas de Rei e Melide abrirá “nos primeiros días de 2025”.
Fernández Palomino explicou que “se están ultimando algúns trámites administrativos como unha auditoría de seguridade viaria para a posta en servizo a principios de 2025”.
Asemade o director xeral de Estradas do Estado, tamén confirmou que o luns 30 de decembro abrirá na A-6 o segundo viaduto do Castro que une Galicia con Castela e León e que sufrira un derrube en xuño de 2022 e que segundo destacou “foi un récord completala en dous anos”.
