A asociación Stop Suicidio Galicia organiza as Xornadas de Prevención do Suicidio, que inclúen a proxección do documental “El Estigma del Silencio”, dirixido por Sergio Hernández e narrado por Camilo García e María Rozalén. Esta obra busca visibilizar a realidade do suicidio en toda as idades, combater o estigma asociado e fomentar o diálogo sobre a saúde mental. Con 9 candidaturas aos Premios Goya 2025, o documental exhibirase en diversas cidades galegas como parte dunha campaña de sensibilización e prevención.
A problemática do suicidio en Galicia segue sendo alarmante. Segundo datos do INE, en 2023 a taxa de suicidio en España situouse en 8,47 casos por cada 100.000 habitantes. En Galicia, esta cifra ascendeu a 11,46 casos por cada 100.000 habitantes, o que equivale a unha vida perdida por día. Estes datos evidencian a urxente necesidade de reforzar os recursos de prevención, intervención e apoio á saúde mental.
O documental “El estigma del silencio” proxectaráse o venres 7 de febreiro, 19:00h, Centro Social de Fingoi (entrada benéfica 5€) e en Chantada o domingo 9 de febreiro, 18:00h, no Auditorio Municipal (entrada gratuíta ata completar aforo).
Tras cada proxección, desenvolverase un coloquio co director, especialistas en saúde mental e suicidio, así coma testemuñas en primeira persoa como Rafa Martínez (pai sobrevivente) e Cristina Gómez (escritora e supervivente).
O evento conta co apoio total dos Concellos de Cambados e Chantada e coa cesión do espazo por parte del Concello de Lugo.
Foto:Pixabay.
