No día de hoxe, o Club Deportivo Lugo e o xogador Ángel Dealbert, acordaron a incorporación do futbolista á disciplina do club. Ángel Dealbert Ibáñez, (Benlloch, Castelló, 1 de xaneiro de 1983), ocupa a posición de defensa central, e atesoura grande experiencia na súa traxectoria ao máis alto nivel.
Formado na canteira do CD Castelló, consolidouse no equipoblanquinegro como indiscutible na súa etapa en Segunda División, considerado como un dos mellores defensores da categoría, ata o seu salto á Valencia CF. O novo xogador do CD Lugo defendeu o escudo do conxunto valencianista durante varias tempadas, nas que, ademais de disputar a Primeira División (Liga BBVA), competiu en Liga de Campións e UEFA Europa League, desenvolvendo o seu percorrido polo máis alto nivel futbolístico continental.
Logo da súa etapa en España, continuou a súa carreira no Kubán Krasnodar ruso, disputando a Liga Premier, primeira categoría nacional, e UEFA Europa League. O seu último destino foi o BaniyasSC de Emiratos Árabes. Un novo efectivo con desenvolvemento en competicións de primeira orde que será presentada no Estadio Ángel Carro, o próximo mércores 5 de Agosto ás 13 horas.
