Despois de dezaseis anos como Concelleiro de Deportes do Goberno Municipal, José Manuel Díaz Grandío deixará no vindeiro pleno a súa acta de concelleiro que gañara nas últimas eleccións municipais. Díaz Grandío xa comentara hai uns días que por motivos persoais ía abandoar a súa tarefa á fronte da Concellería de Deportes.
Aínda que a posteriori parecía que podía seguir no goberno municipal, hoxe soubose que pon fin a unha etapa de catro lexislaturas como máximo responsable do deporte municipal en Lugo. Con el vaise unha forma calada, pero eficaz de traballar. Estamos, sen dúbida, fronte a un dos mellores concelleiros da etapa Orozco, pero tamén é verdade que a limitación de mandatos é algo que hai que enfrontar máis cedo que tarde, pois é de todo inxustificable que unha persoa estea nun mesmo cargo doce, dezaseis ou vinte anos, como se ten dado algún caso.
