A concelleira de Muller, Igualdade e Xuventude, Ana Gonzalez, informa que a andaina xuvenil pola igualdade prevista para este sábado, 18 de xullo, para conmemorar o nacemento de Xulia Minguillón adíase ao venres, 24 de xullo.
Mantense a hora de saída, ás 10:30 horas, e o punto de partida: nos soportais do Concello, na Praza Maior. O número de prazas é de 25 e está dirixido a mozos e mozas de 14 a 35 anos. As inscricións realizaranse a través do enderezo xuventude@lugo.gal, facilitando o nome, apelidos, data de nacemento e teléfono, achegando, con caracter obrigatorio, foto ou fotocopia do DNI/NIE/PASAPORTE. As e os menores de idade irán acompañados por unha persoa adulta.
A participación en cada andaina, que é gratuíta, seguirá a seguinte orde de prioridade e por rigorosa orde de inscrición:
- Mozos e mozas de 14 a 35 empadroados no Concello de Lugo (achegando declaración responsable de empadroamento, que o Concello poderá comprobar).
- Mozos e mozas de 14 a 35 anos, que traballen ou estuden no municipio de Lugo (achegando copia do ontrato de traballo ou matrícula do centro educativo regrado no que estuda).
- Mozos e mozas de 14 a 35 anos que residan en municipios limítrofes
- E sempre e cando queden prazas vacantes, resto de poboación non superando o 10% de prazas ofertadas en cada actividade.
