O presidente da Asociación Provincial de Empresarios de Hostelería e Turismo de Lugo (Apehl), Cheché Real, dará a coñecer mañá mércores na Feira Internacional de Turismo de Madrid (Fitur) un novo volume, o décimo terceiro, da colección de guías turístico- gastronómicas da provincia de Lugo …E para comer, Lugo.
No acto, que terá lugar a partir das 15:00 horas no stand de Galicia en Fitur, Real presentará esta publicación titulada Lugo, mucho por descubrir. Unha nova guía que, nesta ocasión, mostra ao mundo os lugares con máis encanto da provincia en primeira persoa, todo un álbum de recordos, sensacións e imaxes a través dos que coñecer a natureza, o patrimonio, a cultura e a gastronomía de todos e cada un dos concellos lucenses.
